Жергілікті атқарушы органдардың жер учаскелерін және жобалау-сметалық құжаттамаларын уақытылы рәсімдей алмауынан бірқатар проблемалар туындады. Алайда Қоғам мектептерді уақтылы іске қосу үшін барлық қажетті шараларды қолданып жатыр.

Қоғам қызметінің басты бағыттарының бірі – халыққа қолданысқа берген тұрғын үйлерді күтуде сапалы қызмет көрсету, наразылықтар мен шағымдардың алдын алу.

Қоғам осы мақсатпен жылжымайтын мүлікті басқару барысында тұрғындармен және жалға алушылармен тұрақты жұмыс жүргізеді. Олардың арыздарына уақтылы ден қоя отырып, кепілдік мерзімі шеңберінде құрылыс ақауларын жоюды, тұрғын үй маңындағы аумақты абаттандыруды, балалар алаңдарын жөндеуді қамтамасыз етеді. Сондай-ақ мүлік иелері бірлестіктерін қалыптастырып, олардың жұмысына қатысады. Қоғам балансындағы активтердің техникалық қауіпсіздікке сәйкестігі тұрғысынан аудит жүргізеді.

Қоғам меншігіндегі немесе басқармасындағы бизнес-орталықтарда да аталған жұмыстар жүргізіледі.

Инвестициялық қызмет саласында жасалған шарттар бойынша 2023 жылғы 31 желтоқсанында Қоғамның жылжымайтын мүлік пулы 309,9 мың м2 және 996 машина орындарын құрады. Жобалардың жалпы құны – 125,9 млрд теңге, оның ішінде Қоғамның инвестиция көлемі – 76,9 млрд теңге. Жобалардағы Қоғамның үлесі орта есеппен – 60%. Есепті жылда ауданы 82 мың м2 болатын 7 нысан пайдалануға берілді: шатыр және қаптау материалдарын шығаратын зауыт және де Алматы қ. «Gul-ana» ТҮК, «Ақкент» ТҮК, Қонаев қ. – Sun City ТҮК, Ақтөбе қ. – «Бавария-2» ТҮК, Атырау қ. – Бейбарыс даңғылындағы ТҮК, №498 құрылыс, Астана қ. – «Мыңжылдық аллеясында, 2-кезек» ТҮК.

Мемлекет басшысы Қ.К. Тоқаев «MetalFormer» ЖШС өндіріс орнымен танысу барысында өнімдеріне оң баға беріп, «осындай кәсіпорындарды қолдаудың маңыздылығы және импорттық құрылыс материалдарынан отандық өнімге көшу қажеттілігін» атап өтті. Қоғам зауытты қолдау мақсатымен оның өнімдерін өз жобаларында пайдаланып, өндірістік қуатын жүктеуге жан-жақты көмек көрсетіп келеді.

2023 жылғы қызмет қорытындысы бойынша инвесторлар және басқа да стейкхолдерлермен біріккен жұмыс нәтижесінде Қоғам 7,4 млрд теңге көлемінде пайда көрді.

Есепті жылда «Түркістан» БГҚ» жауапкершілігі шектеулі серіктестігін сенімгерлік басқару шеңберінде негізгі алаңды, үшінші санатты кіреберіс автожолын және Бадам су қоймасынан құбырмен су тарту жүйесін толық аяқтап, кешенді құрылыс жұмыстарына келісім-шарт жасалып, «Бадам су қоймасынан құбырмен су тарту жүйесі», «Сыртқы газбен жабдықтау» және «500 кВ және 220 кВ кернеуге Шымкент 500 кВ тораптық КС электр жүйесіне қуат беру» жобаларына оң сараптама қорытындылары алынды.

Операциялық қызметті басқаруға қатысты 2023 жылы ішкі корпоративтік бизнес процестерді автоматтандырып, Ұлттық жобаны іске асыру, сатып алу және ВМР ақпараттық жүйелері енгізілді.

Есепті жылда корпоративтік басқарудың тиісті стандарттарын ұстана отырып, Компания Директорлар кеңесінің, Басқарманың құрамын толықтырды; Аудит комитетінің, Тағайындаулар мен сыйақылар жөніндегі комитеттің құрамын қалыптастырды. Қоғам 2024– 2025 жылдарға арналған ESG енгізу жоспарымен бекітілген іс-шараларды іске асыру арқылы корпоративтік басқару жүйесін жетілдіріп, орнықты даму қағидаларын енгізуді жалғастырады.

Қоғам Қазақстанда құрылыс саласының одан әрі өсуі мен дамуына үлес қоса алатындай елеулі әлеует пен ресурстарға ие.

Таңдалған Стратегияны ұстану Ұлттық жоба мен инвестициялық қызметті іске асыру шеңберінде объектілерді сапалы салып, уақтылы қолданысқа беруге, болашақта халық әл-ауқатының, тұтастай экономиканың өсуін ынталандыратын ауқымды әлеуметтік және инфрақұрылымдық, оның ішінде құрылыс индустриясы саласындағы жобаларды жүзеге асыруға мүмкіндік беретініне сенімдімін.

Қорытындылай келе, ұжымыма биыл ашылғанына 15 жыл толатын Компанияның дамуы мен өркендеуіне қосқан үлесі, баға жетпес еңбегі үшін алғыс айтып, болашақта жетістіктерге жетуіне тілектестігімді білдіргім келеді.