Есепті кезеңде 2023–2024 жылдарға жоспарланған 208 жайлы мектептен 207 объектіні жобалау және толық аяқтап салу бойынша кешенді жұмыстарды сатып алу шарттарына қол қойылды.

2023 жылы мердігер ұйымдар жер учаскелерін құрылысқа (қоршау, бейнебақылау камераларын орнату, құрылыс техникасын жұмылдыру, инженерлік-геологиялық іздестіру, сынамалық қадаларды бітеу және т.б.). дайындады. Сонымен қатар мектептердің жобалау-сметалық құжаттамасы әзірленді. Жобалау-сметалық құжаттамаға мемлекеттік сараптаманың оң қорытындысын алысымен құрылыс-монтаждау жұмыстары басталады.

Инжинирингтік қызметтер көрсету бойынша, соның ішінде мектептерде техникалық қадағалау қызметтеріне арналған 191 шартқа қол қойылды.

Халыққа тұрғын үйдің қолжетімділігін арттыру және құрылыс компанияларын қолдау мақсатында Қоғам жаңа объектілердің құрылысына инвестиция құйды. Жаңа жылжымайтын мүліктің бір бөлігін Қоғам тікелей сатты. Осы жобалар нарықтық жағдайда қарыз алу және өз қаражатын құю арқылы қаржыландырылды. 2023 жылғы 31 желтоқсандағы жағдай бойынша Қоғам Астана, Алматы, Атырау, Ақтөбе, Қонаев, Көкшетау, Ақсу (Павлодар облысы), Тараз және Өскемен қалаларындағы 19 объект1 құрылысына инвестициялау шарттарын (бұдан әрі – ҚИШ) жасасқан. Жасалған ҚИШ бойынша Қоғам меншігіндегі коммерциялық және тұрғын үй жылжымайтын мүлік көлемі 31.12.2023 жылы 309,9 мың м2 және 996 машина орындарын құрады. Жобалардың жалпы құны – 125,9 млрд теңге. Соның ішінде Қоғамның инвестиция көлемі – 76,9 млрд теңге.

Аталған жобалар аясында Қоғам 2023 жылы 57,4 млрд теңге инвестиция құйды, оның ішінде құны 2,2 млрд теңге болатын жер учаскелерінде («Алматы қаласындағы Ақкент ТҮК», Астана қаласындағы «Мыңжылдық аллеясындағы ТҮК, 1-кезек» жобалары) 10 нысан пайдалануға берілді. Қоғамның пайдалануға берген жылжымайтын мүліктегі жалпы үлесі 240,8 мың м² құрады, сатылғаны – 203,9 мың м². Қоғам «Астана қаласындағы Мыңжылдық аллеясындағы ТҮК, 1-кезек», «Ақтөбе қаласындағы Бавария ТҮК», «Астана қаласындағы ЭКСПО ТҮК», «Қонаев қаласындағы Gul Ana ТҮК» жобаларын аяғына жеткізіп, осы жобаларға жұмсалған қаражатты қайтарды, құрылысшы компаниялар сыйыақысын төледі.

2022 жылы «Атырау қаласындағы Француз кварталы ТҮК» жобасын салған компания Қоғамның инвестицияларын тұрғын үй-жайы түрінде қайтарды. Қайтарылған инвестиция ішін-ара ақшаға айналдырылды: 153 пәтердің 149-ы сатылды.

Құрылыс материалдары импортын қысқартуға бағытталған зауыттар салу бағдарламасына қатысу аясында есепті жылы Қоғам «Астана қаласында шатыр және қаптау материалдарын өндіру зауытын» іске қосты.

2023 жылғы 31 желтоқсандағы жағдай бойынша осы жобаға 3,8 млрд теңге инвестицияланды. 2023 жылғы 26 желтоқсанда объект пайдалануға берілді. Объектіні пайдалануға қабылдау актісіне сәйкес зауыттың жалпы ауданы – 6 262,6 м2, оның ішіндегі Қоғамның үлесі 5 010,1 м2 құрады.

2023 жылғы 15 желтоқсанда Мемлекет басшысы Қ.К. Тоқаев зауытқа іссапармен барды. Президент өндіріспен танысу барысында «MetalFormer» ЖШС өнімдеріне оң баға беріп, «осындай кәсіпорындарды қолдаудың маңыздылығы және импорттық құрылыс материалдарынан отандық өнімге көшу қажеттілігін» атап өтті. Бүгінде Қоғам зауытты демеу әрі оның өндірістік қуатын жүктеу мақсатында «MetalFormer» ЖШС өнімдерін өз жобаларында пайдаланып, зауытқа жан-жақты қолдау көрсетіп отыр.